EDITORYAL - Wa mabugnaw ang kainit
Atol sa duha ka miaging adlaw -- Enero 16 ug 17 -- gipakita sa mga Sugbuanon nga ang wa’y hunong nga uwan dili ug wala makapabugnaw sa ilang mainitong debosyon ngadto ni Sr. Sto. Niño.
Midagsa ang mga tawo sa dakbayan gikan sa mga nagkadaiyang dapit sa Sugbu ug gawas sa Sugbu.
Ang Pilgrim Center diin ang mga relihiyosong kalihukan gipahigayon, misugwak sa mga debotos adlaw’ng tanan, rain or shine.
Ang grandstand sa Cebu City Sports Center diin gihimo ang mga kalihukan sa Sinulog 2010 nag-awas usab sa mga tawo.
Suportado sa Cebu community ang duha ka mga kalihukan -- ang mga relihiyosong kalihukan ug ang mga kalihukan sa kagamhanan.
Kining malinawon ug hapsay nga pagsaulog sa Pista Senyor 2010 nakab-ut tungod sa kooperasyon sa pundok relihiyoso ug sa sektor pribado.
Pit Senyor!
- Latest
- Trending
