EDITORYAL - Tulo pa ka bagyo?
Duha o tulo pa ka bagyo ang gipanglantawan sa Pagasa nga moigo sa Pilipinas gikan karon hangtod sa Disyembre ning tuiga.
Ang forecast gihimo ug gibutyag ni Pagasa Deputy Administrator Nathaniel Cruz atol sa usa ka interbiyu sa TV adtong miaging Huwebes.
Suma pa ni Mr. Cruz kun matinuod kining ilang forecast wala pay klaro kun asang dapita sa nasud moigo kining mga bagyoha.
Posibleng adto gihapon mamiktima sa Luzon apan duna say kahigayonan nga moigo sa Visayas.
Mora kining Russian Roulette ang umaabot nga mga bagyo. Wala kita masayod kun asa siya padung. Apan wa tay alkanse kun mangandam lang kita enkaso nga kita maoy bisitahan.
Busa mao nay atong buhaton -- mangandam ug magmabinantayon. Ug sinserong mag-ampo nga mahilayo kanato ang katalagman.
- Latest
- Trending
