Bigtime pusher

Niay tip nga gihatag ang usa ka texter nga angay susihon o i-counter check sa nahingtungdang ahensiya sa gobiyerno. Bahin kini sa giingong bigtime shabu pusher diha sa Bato Carbon.

Sumala sa naggamit sa cell. no. 0928-4059886 (Sent: 03:19:21 pm--Sept. 18, 2008), naay amahan ug anak nga motubag sa ngalan nga Glen ug Alex nga bigtime pusher og shabu diha sa Bato Carbon. Matud pa sa atong texter, dili pa ginaramo (gramo) kundili kilo-kilo na gyod ang shabu nga gipayuhot niining mga tawhana.

"Wala gyod na sila madakpi," nagkanayon ang atong texter.

Kun tinuod man o dili kining pasangil sa atong texter, angay ning sutaon sa mga awtoridad. Angay panid-an sa proper authorities kining amahan ug anak nga gidudahang bigtime pusher sa Bato Carbon. Aksiyoni!"

* * *

"Good day, Sir. Naay polis diri sa Mandaue nga kusog manguwarta. Kusog mangolekta sa terminal, sa tingalan sa mga hayopan ug sa tigbakay kana si JD." -- 0929-8406719 (Sent: 08:51:38am--Sept. 19, 2008)

Kining maong sumbong angayan subayon sa immediate superior sa maong polis aron pagsuta kun tinuod ba o dili nga naghimo'g iregularidad o kahiwian kining maong polis.

Dili nato angay i-discount ang posibilidad nga tinuod kini. Kun may aso, adunay kalayo''.

* * *

Good AM, Sir. Wala bay balaud batok vandalism? Pagkahugaw na gyod sa atong palibot." - 0921-6979990 (Sent: 07:42:30 am--Sept. 19, 2008)

Ang vandalism usa ka paagi sa paghugawhugaw sa atong palibot ug gidili gayod kini. May mga ordinansa sa lainlaing mga dapit nga nagdili niini. Nahilakip kini sa anti-littering.

Matud pas usa nako ka higala, kining vandalism binuhatan sa mga frustrated writer. Maayo unta kun magtinabangay ang katawhan pagbadlong sa mga personahe nga ilang makit-an nga maghugawhugaw sa palibot   pinaagi sa vandalism.

(Sumbong ug reklamo? Text sa 09108105522).