EDITORYAL - Ang ro-ro ports programa ni GMA

Ang programa sa kagamhanan sa pagtukod og mga roll on-roll off (ro-ro) ports samga nagkadaiyang puwerto sa nasud, usa ka epektibong yawe ngadto’s ka lamboan sa mga dapit diin kining mga ro-ro port gitukod.

Daghang mga benepisyo ang maangkon sa nasud gikan niining mga ro-ro-port.

Dili lang kay moresulta sa ekonomikanhong kalamboan sa mga dapit diin himuon ang maong ro-ro port, mopalambo usab kini sa turismo.

Moresulta usab kini sa gitawag sa mga eksperto nga “bringing our islands closer to one another.”

Manghinaut kita nga mas daghan pang mga ro-ro port ang matukod sa gobiyerno alang sa kalamboan sa nasud labi na niining panahon sa ekonomikanhong krisis.