EDITORYAL - Kamandoan ni Obama

Si US President Barak Obama miawhag ngadto sa mga opisyal sa ilang gobiyerno sa boluntaryong pagluwat sa ilang katungdanan kun sayud sila nga wala sila’y kapasidad (unfit) sa pagkupot sa maong katungdanan.

Giawhag usab ni Obama kadtong mga opisyal nga nakahimog kalapasan sa balaud sa pagkanaug sa ilang puwesto.

Ang maong mga opisyal giingnan nga dili maghuwat pa nga langkaton sila sa ilang gilingkuran.

Suma pa sa balita, aduna nay mga opisyal nga mipatuo sa awhag sa Pangulo. Boluntaryong nang-resign.

Mahimo kaha ning maong kamandoan dinhi sa ato diin adunay mga misfits ug mga sad-an ngadto sa katawhan ug dili angayan magdugay pa sa ilang puwesto?