Tambisan
"Sir, good PM. Inform lang ko nga grabe na ang shabu dito sa Tambisan, Labangon." -- 0926-3309950 (Sent: 07:36:27pm--October 29, 2008)
Makadaghan na ko makadawat og sumbong gikan sa lain-laing texter nagtaho bahin sa payuhot og shabu diha sa Tambisan, Labangon. Mora’g makapahisagmuyong palandongon nga hangtod sa pagkadawat nako ning ulahing text gikan sa usa ka nagpakabanang molupyo, nagpadayon pa gihapon ang payuhot sa ginadiling drugas diha sa Tambisan.
Kinsa ba kining giingon sa atong mga texter nga sila si Ian ug Jongjong nga ingon sa untouchable man kining mga tawhana bisan daw dayag na kaayo ang illegal nilang kalihokan?
Mas maayo tingaling mohimo’g lakang bahin niini ang mga opisyal sa brgy. Labangon. Aksiyoni kini ninyo, Sir! Kamo man gyud ang mas nasuheto sa maong lugar. I-counter check kini ninyo. Palihoka ninyo ang inyong mga tanod.
Labing maayo sab unta kun mahatagan kini’g konsiderasyon sa ubang law enforcement agencies.
* * *
"Good AM, Sir. Diri sa Duljo talamak na kaayo ang shabu. Naay ginganlan og Joel nga runner/pusher diri. Anha magbahig sa taas sa ilang balay. Maayo unta ibutang na siya sa watch list ug sikopon." -- 0909-6220071 (Sent:: 09:33:54am--October 30, 2008)
Daghang salamat sa impormasyon nga imong gipadangat, higalang texter. Manghinaot ta nga maaksiyonan kini sa proper authorities.
Usa sa akong gilaoman nga makasumpo ning paghitak sa ginadiling drugas sa lain-laing dapit sa dakbayan ug lalawigan sa Sugbu mao ang Dangerous Drugs Board (DDB).
Seryoso kaayo si Sec. Paul Clarence Oaminal sa iyang kampanya batok sa ginadiling drugas. Misalig ko sa iyang katakos, labina kay abogado sab siya. Kanunay siyang naghimo’g pakisusi bahin sa illegal nga kalihokan, partikular na sa ginadiling drugas.
* * *
(Sumbong ug reklamo? Text sa 0910-8105522).
- Latest
- Trending
