Panigarilyo sud sa PUJ

Adunay ordinansa nga nagdili sa pagpanigarilyo sa mga publikong lugar, sulod sa PUJ ug ubang mga dapit. Pero kining maong ordinansa ingon sa wala ikapatuman sa hingpit. Hinunoa, naabusahan hinuon kini sa mga hinigarilyo ug nakahasol sa ilang isigkatawo nga dili gustong makahanggap sa aso sa sigarilyo.

Usa ka magbabasa ning lindog nagkanayon: "Unsa man nang mga driver og PUJ, labina nang sa 13C, nga mao man hinuoy mag-ulo sa pagpanigarilyo sulod sa sakyanan? Naa sa ilang atubangan ang dako kaayong karatola nga NO SMOKING pero sila na hinuoy mag-unag panigarilyo. Mora man og wa kaagi og seminar sila." 0929-2051124 (Sent: 07:22:36 am--October 16, 2008)

Ang maong matang sa driver walay kaikog ngadto sa ilang mga pasahero. Dili baya tanang sumasakay manigarilyo o ganahang makahingos sa baho sa aso sa sigarilyo. Unta morespeto ang mga PUJ driver ngadto sa mga pasaherong dili ganahan og sigarilyo.

Dugang niini, ang sigarilyo wala gyo’y idulot nga kaayohan sa lawas. Sumala sa website nga smokefreecebu.com, "Smoking one cigarette reduces one's life by five minutes."

Tiaw mo kana? Pila ka sigarilyo ang imong mahurot sa usa ka adlaw, Bay? Ug kuwentaha kun pila ka minutos ang matibhang sa imong kinabuhi sulod sa usa ka adlaw lang nga pagpanigarilyo.

* * *

"Good day, Sir. Kusog kaayo ang video karera ug moli-moli sa usa ka sitio diri sa Langtad, City of Naga. Wa gyo’y nakabadlong. Naa pa gyo’y videoke diri nga saba kaayo bisan kaadlawon na." -- 0921-6651229 (Sent: 08:49:26am--October 16, 2008)

Kanang bahin sa video karera ug moli-moli isumbong kana ninyo ngadto sa kapolisan sa dakbayan sa Naga aron ila kanang masubay o maaksiyonan. Mas maayong abagan ninyo ang mga tinugyanan sa balaod sa inyong dapit pagsumpo sa bisan unsang illegal nga kalihokan.

Bahin nianang videoke nga magpatugtog bisan kaadlawon na, mas maayong ma-regulate kana. Public nuisance ang tawag niana. Padangat kamo’g reklamo ngadto sa barangay bahin niana.

* * *

(Sumbong ug reklamo? Text sa 0910-8105522).