EDITORYAL - Oplan Kilum-Kilum ibalik ta

Adunay sugyot si Rene "Renbor" Borromeo, usa sa atong columnists dinhi sa Banat News ug sa The Freeman, nga ibalik kadtong gipahigayon sa una nga Operation or Oplan Kilum-Kilum.

Usa kadto ka traffic operation diin gitsek ang kondisyon sa mga sakyanan nga nagdagan sa kagabhion, sama sa ilang suga (kun ga-function ba kini), mga plate number, ug uban pa angay'ng susihon.

Kinahanglan kining ibalik labi na ron nga nagkadaghan ang motorsiklo diin pipila niini dili kompleto sa mga gikinahanglan nga lights panahon sa kagabhion.

Nagkadaghan usab ang mga kotse nga naggamit og hayag kaayong headlights nga nakabuta sa drayber sa sakyanang kasugat niini.

Maayong hatagan og seryosong pagtagad ang sugyot ni Renbor.