Sitwasyon ng OFWs sa Australia

ANG aking panganay na anak na si Senate President Pro Tempore Jinggoy Ejercito Estrada, chairman ng Committee on Labor, Employment and Human Resources Development at joint Congressional Oversight Committee on Labor and Employment, ay natuwa sa pagsasagawa ng official mission ng ating pamahalaan sa pamumuno ni Labor undersecretary Linda Baldoz sa Australia.

Isinusulong ni Jinggoy ang pagkakaroon ng bilateral labor agreement ng Pilipinas at Australia, at pagtatayo ng Philippine Overseas Labor Office sa Darwin o Perth, maliban sa Sydney, upang hindi maagrabyado ang mga migranteng Pilipino na nagtatrabaho roon sa pama­magitan ng “457 visa.”

Samantala, ano ba ang epekto ng global economic meltdown sa demand ng Australia sa mga skilled workers mula sa iba’t ibang bansa kabilang ang Pilipinas?

Ilan sa mga kilala’t tanyag na kompanya gaya ng Chandler Macleod at ng MAB Int’l. Services Australia ay nagsagawa ng pag-aaral hinggil dito.

Wika ng Chandler Macleod, “…we are seeing a shift in the staffing supply/demand equation due to a tightening in the market and some of the mining companies begin to lay off some of their workers. There has been a move to cut back on the importation of overseas workers at least until we see how this particular phase pans out.”

Ayon naman sa MAB Int’l. Services Australia, meron pa rin namang “shortages in a number of areas but the options now available to the employers on a local basis have shifted somewhat towards a greater range of options being available here in Australia­, at least it appears to be that way and will be for a time yet.”

Naghihintay ng feedback ang Chandler Mac­leod at ang MAB Int’l. Services Australia mula sa kanilang major clients kung anong klaseng migran­teng manggagawa ang ku­kunin ng Australia sa iba’t ibang bansa kabilang ang Pilipinas.

Ang kasalukuyang sit­wasyon ay maaaring ting­nang magandang pag­ka­kataon para makagawa tayo ng was­tong aksyon upang ma­ba­lanse ang demand ng migran­teng mang­­gagawa sa iba’t ibang bansa tulad ng Australia­, at ang kakulangan ng kuwali­pikadong skilled workers mismo sa ating bansa.