EDITORYAL - Pagpakilimos lisud sulbaron

Bisan ilang gipadayon ang kampanya sa pagpatuman sa anti-medicancy law kon balaud batok sa pagpakilimos ug paghatag og limos, ang kapolisan nagtuo nga kining kampanyaha dili makasulbad sa mendicancy sa siyudad.

Ug dili lang ang kapolisan ang mihupot sa maong pagtuo. Kasagaran sa mga tigpaniid nagtuo usab nga ang makasulbad lamang sa mendicancy problem mao ang pagsulbad una sa tanan sa makaluluoy nga kahimtang sa mga makililimos.

Samtang ang maong mga makililimos gigutom, magpadayon kini sa pagpakilimos bahala na’g naay balaud batok niini.

Hinuon husto ang kapolisan nga ilang gipadayon ang pagpatuman sa anti-mendicancy law kay balaud man kini ug ila mang katungdanan ang pagpatuman niini.