Fixer

"Good day. Duna unta koy reklamo bahin sa gi-apply namong kuryente. Niagi man god mi og fixer. Gipangayoan mi og P6,500. Niadto pa ming December niaplay ug hangtud karon wala pa gyod nilusot. Unsay angay namong buhaton? Makuha pa kaha namo ang kuwarta bisan katunga na lang?" -- 0920-3855367 (Sent: 03:41:55 pm -- July 14, 2008)

Hinaot unta nga nakakat-on mog leksiyon sa nahitabo ninyo. Kini nagpamatuod lang nga dili lagi maayo kun modangop ta nianang badlongong mga fixer. Nganong adto man gyod mo modangop nila?

Nagtuo ra ba ko nga lisod nang mabalik ninyo ang kuwarta nga inyong gibayad ngadto sa fixer. Kun nakaila mo sa maong fixer, pasakai siyag reklamo. Dangop mo sa mga tinugyanan sa balaod.

* * *

Ang tag-iya sa cell. no. 0929-8302423 mipadala kanakog text messages niadtong Hulyo 14, 2008 (Sent: 06:42:06pm). Sa iyang text, nagpaila siya isip usa ka contractual production operator sa usa ka dakong kompaniya nga nagbase sa   Lapulapu City pero ubos siya sa usa ka agency nga nagbase sa Casuntingan, Mandaue City.

Ang iyang concern mahitungod sa tax exemption. Usa man god siya ka minimum wage earner pero naa gihapon siyay tax hangtod karon. Nagpadayon lang kuno gihapon pagpahamtang ang iyang employer-agency og tax deduction sa iyang suweldo.

Duna gyod mga employer nga dili motuman og kamandoan sa balaod, da! Isumbong kana ninyo sa Labor, uy!

* * *

Kinsa kining usa ka Jongjong nga gipasanginlang usa ka tigpayuhot og shabu diha sa Tambisan, Labangon?

Sumala sa text nga atong nadawat gikan sa cell. no. 0926-3309950 (Sent: 09:21:28 pm--July 14, 2008), dayag na kaayo ang pagpamaligyag shabu ni Jongjong diha sa Tambisan.

Angay nang aksiyonan sa proper authorities. Mas maayo sab unta nga palihokon sa mga opisyal sa brgy. Labangon ang ilang mga tanod pag-counter check ning kasayoran nga atong nadawat.

(Sumbong ug reklamo? Text sa 0910-8105522)