EDITORYAL – “Unpopular decision” gibarugan

Maisugong gipahibawo ni Presidente Arroyo nga dili gayud niya tangtangon ang expanded value added tax (EVAT) sa lana bisan pa sa hugtanong demanda sa mga militanteng pundok  nga paphaon ang maong EVAT sa lana.

Gisalikway usab ni Mrs. Arroyo ang labing uwahing survey diin mi-us-os pag-ayo ang iyang acceptance rating gumikan sa EVAT sa lana.

Bisan pa nga mga kaatbang sa Presidente nitawag kaniya nga gahig ulo, ang Pangulo mipakita sa iyang kalig-on sa pagdepensa sa iyang baruganan.

Si Mrs. Arroyo niklaro nga barugan niya ang iyang “unpopular” nga desisyon kay nagtuo siya nga kini makaayo sa nasud.

Manghinuat lang kita nga makaangkon kita’g kaayohan sa pagbarug sa Pangulo sa iyang “unpopular decision.”