Pangangasiwa sa Metro filmfest ibalik sa taga-industriya ng pelikula

SINEGUNDAHAN ng aktor na si Leo Martinez ang panukala ng aking panganay na anak na si Senate President Pro Tempore Jinggoy Estrada na ilipat ang panga­ngasiwa ng Metro Manila Film Festival (MMFF) sa mis­mong mga taga-industriya ng pelikula. Ang kasalukuyang nangangasiwa sa MMFF ay ang Metro Manila Development Authority (MMDA).

Pinuna ni Martinez na sa ilalim ng MMDA, hindi nabi­bigyan ng atensyon ang mga pangangailangan ng filmfest, at ang lahat ng kinikita ng festival ay napupunta sa iba’t ibang ahensya ng pamahalaan sa halip ipang­suporta sa industriya ng pelikula.

Inihain ni Jinggoy ang Senate Bill 2041 na magtatatag ng MMFF Executive Committee na mamamahala sa pagdaraos ng taunang filmfest. Si Jinggoy ay MMFF best actor awardee noong nakaraang taon.

Ang MMFF Executive Committee ay pamumunuan ng Executive Director ng MowelFund bilang Chairperson, at miyembro naman ang mga kinatawan ng Philippine Motion Picture Producers Association, Movie Producers and Distributors Association of the Philippines, Kapisanan ng mga Direktor ng Pelikulang Pilipino, Kapisanan ng mga Artistang Pilipino sa Pelikula at Telebisyon, Screenwriters Guild of the Philippines, Film Editors Guild for Motion Pictures, Filipino Society of Cinematographers, Sound Technicians Association for Motion Pictures, United Film Musical Directors of the Philippines, Production Designers Guild of the Philippines at Assistant Directors and Production Managers Guild of the Philippines.

Base sa panukala, ang MowelFund at Film Academy of the Philippines ay tatanggap ng 40 porsiyento ng ki­kitain ng MMFF, ha­bang 20 por­syento naman ang ibi­bigay sa Motion Picture Anti-Piracy Council.

Si Jinggoy, na chairman din ng Senate Com­mittee on Labor, Employment and Human Resources Development at ng Congressional Oversight Committee on Labor and Employment ay nag­susulong ng iba’t ibang panukalang sasagip sa naghihingalong indus­triya ng pelikulang Pi­lipino, at susuporta sa mga producer, ar­tista, at  iba pang mang­ga­gawa sa peli­kula.

Ang SB 2041 ay kon­kretong hakbang para ma­ibalik ang “Golden Age of Cine­ma” sa bansa.