Kada gabii

"Sir, good PM. Grabe na gyod ang payuhotay og shabu diri sa among dapit. Kini sila si Virgilio ug Jongjong sa Tambisan, Labangon maoy tigpayuhot. Kada gabii gyod mamaligya sila diri sa Tambisan. Maayo unta nga maaksiyonan kini." -- 0919-3870260 (Sent: 09:42:51pm--March 28, 2008)

* * *

Atong sangpiton ang atensiyon sa mga barangay opisyal sa Labangon sa pag-counter check ning sumbong. Labing maayo nga palihokon ninyo ang inyong mga tanod aron pagsuta kun tinuod ba kini o dili.

Ingon sa identified na kaayo sa taga Tambisan kining mga pusher nga sila si Virgilio ug Jongjong. Labing maayo nga mapanid-an kining mga tawhana ug kun mamatud-an nga nalambigit gayod sila sa pagpayuhot sa ginadiling drugas, mas maayo nga mahimoan silag tukma nga legal nga aksiyon.

* * *

"Good evening, Sir. Nangmerkado ko ganina sa Opon merkado. Daghan kaayo ang akong naagian nga mga batan-on nga nagsuyop og rugby, uy. From Allan Binag." -- 0918-5359417 (Sent: 00:52pm--March 30, 2008)

* * *

Dugay nang gireklamo kining mga rugby boys diha sa merkado sa Opon. Daghan na kaayo kog nadawat nga text reklamo mahitungod niini. Hangtod karon wala pa diay gihapon   kini maaksiyoni? Kapulpol.

* * *

"Sir, panawagan lang nako through your column nga diri sa may north reclamation area daghan gyod mga poste ug dapit nga walay suga. Delikado kaayo sa mga motorista nga moagi nga binuangan sa mga tawong daotan.' -- 0918-4121661 (Sent: 07:46:41pm--April 1, 2008)

* * *

Manghinaot tang mabasahan sa mga nahingtungdan kining imong panawagan. Lehitimo baya kining imong concern. Maayo unta nga hatagan kinig gibug-aton sa mga nahingtungdan.

(Sumbong ug reklamo? Text sa 0910-8105522)