EDITORYAL-Mas higpit nga kampanya?

Misugmat nasad ang pagpabadlong sa mga sakop sa fraternity dinhi sa Sugbu. Ning pipila ka adlaw nga minglabay ubay-ubay’ng mga krimen diin nalambigit ang mga badlongong fratmen ang gikareport sa media.

Nangutana kami kaniadto ug mangutana na usab kami: Dili na ba gyud kaha mapaundang kining mga abusadong sakop sa fraternity sa ilang paghimog kasamok sa atong katilingban?

Makapila na kita makabasa sa mga pamantalaan ug makadungog sa tv ug radyo nga tinud-on na sa kapolisan ang kampanya batok niining mga trapo sa atong katilingban apan klarong pakyas ang maong kampanya.

Karon anaa nasad kunoy mas higpit nga kampanya batok niining mga badlongong elemento sa komunidad. Manghinaut kita nga “higpit” gyud tuod ang maong tinguha.