Videoke sa ihawan
Gikan sa cellphone number 0927-2439922: “Good day. Sir. Naa lang koy isumbong nimo. Naay videoke diri sa ihawan, North Reclamation area. Grabe kaayo, magbuntag.
Labing maayo nga ma-regulate ang gikusgon sa tugtog sa maong videokehan aron dili makahasol sa mga silingan. Kun dili madalag estorya ang tagdumala niini, mahimong moreklamo kamo ngadto sa barangay o police. Lehitimo ang inyong reklamo mahitungod sa saba nga videokehan busa angay kining aksiyonan.
Ang gihimo sa maong videokehan gitawag og public nuisance. Makahimo kamo pagpasaka og kaso nga unjust vexation ug mangayog civil damages. Makasimpatiya ko sa inyong yangungo tungod kay hasol kaayo kun dili ta makatulog panahon sa kagabhion tungod sa kasaba sa videoke ilabi na kun may trabaho kita sa adlawan.
* * *
Sa laing bahin: “Maayong adlaw, Sir. Kining among dapit diri sa Mahayahay, Cordova ang karsada ngitngit kaayo. Walay suga ang mga poste. Daghan na ang gipanghold-ap kay ngitngit lagi.” -- 0917-6005890 (
Delikado diay kun maglakaw kita panahon sa kagabhion nianang lugara. Maayo unta nga masug-an na kana aron dili na ngitngit panahon sa kagabhion. Atong sangpiton ang mga barangay opisyal nga maoy nagsakop sa maong lugar. Labing maayo nga maatiman nila kining problemaha aron masulbad ang concern sa ilang mga kakonstituwente.
Makapaalarma ang gitaho sa atong texter nga daghan na ang gihold-ap dihang dapita tungod kay ngitngit kaayo kini panahon sa kagabhion. Kun tinuod man ugaling kini, risgo kaayo alang sa atong kaigsuonan ang pagtaak sa maong lugar panahon sa kagabhion. Hinaot unta nga mahatagan na kinig kasulbaran.
* * *
Akong sangpiton ang tag-iya sa cellphone number -0926-2547987. Nindot ang imong sumbong pero kulang sa specifications. Palihog ayoha ang detalye sa imong sumbong. Mahitungod sa mga security guard sa LTO office duol sa SBT.
* * *
(Sumbong ug reklamo? Text sa 0910-8105522)
- Latest
- Trending
