Ang impiyerno ni Belen Gula 93
Kaniadtong Sabado naputol ang pag-ihap sa mga election returns gikan sa lungsod sa Bogo human gi citizens arrest ni Atty. Jojie Dical, abogado ni Congressional Candidate Benhur Salimbangon ang mga sakop sa Special Board of Canvassers gumikan sa giingon niining electoral sabotage. Ang pasangil nga electoral sabotage gibasi ni Atty. Dical sa nakuha nga footage sa security camera nga gimontar sa daan nga session hall sa Kapitolyo diin gipahigayon ang pag-ihap sa mga balota gikan sa Bogo. Ang maong footage gipakita ni Byron Garcia, security consultant sa Kapitolyo ug kaalyado ni Benhur Salimbangon. Sa maong footage gipasangil ni Byron Garcia nga adunay mga ballot boxes nga gibutang sa duol nga bahin sa gilingkuran ni Rasheed, vice chairman sa special board of canvassers ug nakita kini nga may gikuha sa ballot box.
Gihimakak kining maong pasangil sa mga sakop sa special board of canvassers, ilang gipasabot nga ang nakitang mga ballot boxes gikan kini sa provincial office sa commission on election ug wa kini mga sulod. Ang mga ballot box ilang gi-request sa comelec aron maoy sudlan sa mga election returns nga ila nang nahuman sa pag-ihap. Nagdumili sila sa pagkuyog sa mga sakop sa CIDG 7 diin sila gitugyan ni Atty. Dical.
Sa wa pa himoa ni Atty. Jojie Dical ang pagdakop sa mga sakop sa special board of canvassers una nang mikatap ang tabi-tabi nga gibasura na sa naulahing board ang ilang mga reklamong gisang-at nga nag-question sa katinuoran sa pipila ka mga election returns nga ilang gitoohan nga mga minamao-mao ug dili tinood. Dili lang kaha pagpangharass ang gihimo ni Atty. Dical ug sa kampo ni Benhur Salimbangon ngadto sa mga sakop sa special board of canvassers kana gumikan kay gibasura ang ilang mga reklamo nga gipaabot ngadto sa nahisgutang board?
Sa atong batakang balaod ang rule mao kini: Dili puydeng imong dakpon ang usa ka tawo kon ugaling wa kini warrant of arrest gawas lamang kon imo kining nasakpan sa akto nga naghimo sa krimin, mohimo na unta sa krimin, o bag-ohay lang nga nakahimo sa krimin o ba kaha ang gidakop o buot dakpon usa kini ka piniriso nga naka eskapo sa prisohan.
Sa kaso sa mga sakop sa special board of canvassers wala sila dakpa ni Atty. Dical sa dihang nahibaw-an niini ang gihimong krimin busa sumala pa sa mga legal luminaries dinhi sa Sugbu dili puyde ang gihimo sa abogado ni Benhur Salimbangon. Tinood kaha nga adunay electoral sabotage nga nahimo ang mga sakop sa special board of canvassers sigon sa pangangkon sa abogado ni Salimbangon o biktima lamang ang board sa gitawag og politikal harassment?
* * *
Ang gihimo ni Atty. Dical kaniadtong Sabado, homework alang sa ubang mga abogado dinhi sa Sugbu ug sa tibook nasud. Sa maong homework atong gipaabot nga managlahi ang tubag sa mga batikan sa balaod. Homework nga ang korte suprema lamang ang makahatag og saktong tubag? Sa akong pagsabot mao kini ang homework nga gihatag ni Atty. Dical ngadto sa iyang mga kaubang abogado:
- Latest
- Trending
