SRP teeming with cops. Security for GMA or show of force?

Alang nako, di nato mapugos ang Simbahang Katoliko paghingalan sa mga kandidato nga angayan botohan.

First, there's no Catholic vote. Ang Catholic Church, igo lang sa pagpahinumdom ug pagpahimangno sa mga qualification ug mga mithi sa usa ka kandidato. Apan, ang mga lider sa Simbahan, di mopugos kun asa kita mobotar.

Ug kita sang mga Faithful, alang nato, di kinahanglan motuman kun unsa ang idiktar kanato sa Simbahan. Ingon kita niini ka FREE. Free kita pagbotar ni bisan kinsa, free kita pagbotar bisan sa labing kawatan nga kandidato.

Bisan si Cristo mismo, sa iyang panahon, wa niya ipugos ang pagpasubay sa katarong ug kaligdong. Sa laktod, wa niya ipugos ang Langit, ug iyang gipasagdan ang mga tawo nga gusto kaayo ni Satanas.

Second, lagmit hadlok ang Simbahan nga kun maghingalan sila sa angay botohan, tingali unyag wa silay kahinganlan. Magdapit lang kini sa kasuko sa tanang kandidato. Mao nga, to be safe, di na lang gyud mo-attempt pag-ngan sa mga kandidato nga angay botohan. Kay tingali unyag way mapili.

Bitaw, seriously, kining tanan, ania kanatong mga botante. Kun wa kay nailhan sa mga kandidato, ayaw na lag botar. Apan, imposibli kaayo ni.

Ang mahinungdanon mao atong ilhon og maayo ang mga kandidato. Ayagon natog maayo ang mga isyo. Ayaw pagsugot nga ang kwarta ug popularity maoy modisidir kun kinsa ang imong botohan.

Sa atong gibalikbalik dinhi, mosuway kono tag binuotan karong eleksiyona. Mosuway kono tag botar pinasikad sa atong konsiyensiya, ug dili tungod sa kwarta. Usa ra ni ka adlaw, apan ang resulta sa atong pagbotar, molungtad hangtud sa hangtod.

Mosuway sad kono ta nga di ta mosugot nga tikasan. Matag eleksiyon, duna gyuy mga protesta batok sa panikas, sukad pa sa panahon ni Marcos. Dugay nang na-wa si Marcos, apan, kadtong pag-ingon nila nga NOTED, NOTED sa canvassing ni Cory ug Marcos, ato lang gihapon ning nadunggan sa miaging eleksiyon.

Ngano man ni, Dro? Naunsa na man ta?