EDITORYAL - Lahi nga matang sa politiko

Lahi nga matang sa politiko kini si Congresswoman Darlene Antonino-Custodio sa General Santos City.

Makaingon kitang lahi kay dili kumon ang iyang kinaiya kalabot sa iyang pagtratar sa iyang kaatbang sa bugnong lugaynon.

Wala kita makadungog nga mipabuhagay siya''g mga masakit nga pulong batok sa iyang kaatbang nga si boksidor Manny Pacquiao.

Iyang giangkon nga si Manny nakahatag og dakong kadungganan sa nasud nga Pilipinhon.

Misaksi si Darlene sa away ni Pacquiao batok ni Jorge Solis ug mi-cheer siya dihang gipalukapa ni Manny ang Mexicano.

Usa si Darlene sa mga nisugat ug mihangop kang Manny sa pag-abot niini sa Gensan ug nakigbeso-beso kini sa kampiyon dungan ang paggakos kaniya.

Kon ingon niini ang attitude sa tanang kandidato ngadto sa ilang mga kaatbang sa eleksiyon, walay duda nga dili magmalinawon ang atong pagpili sa mga tawo nga gusto tang iluklok sa katungdanan.