EDITORYAL May konsensiya kaha sila?

Ang Pilipinas maoy labing corrupt nga nasud sa Asia segun sa perception kun pagtuo sa mga dagkong lider sa negosyo sa rehiyon.

Kini suma sa Political and Economic Risk Consultancy nga nagbase sa Hong Kong.

Dugay nang namantala nga ang Pilipinas maoy labing kurap nga nasud sa Asia. Giusban nasad karong bag-o. Ang kadagkuan sa gobyerno walay mahimo gawas sa pagsaad nga ilang paphaon ang kurapsiyon.

Way nahimo sa maong saad. Nagpabilin ang kurapsiyon. Wa gani bisan naminusmenosan na lang.

Kining titulo nga "Labing kurap nga nasud sa Asia" nakahatag og dakong kauwaw kanatong mga Pilipino. Ug nakababag sa mga dagkong investor sa pagbubo sa puhonan dinhi sa nasud.

Kanus-a pa kaha makonsensiya ang mga kawatan sa gobyerno sa ilang kahakog. Duna pa ba kahay paglaum nga makonsensiya kining maong mga kawatan?