Nadaut nga celfone

Gikan sa cellphone number 0927-3328041: "Good day. Nakapalit ko og celfone sa AU (inisyal) unya after 6 months more or less nadaot mao nga akong gibalik sa tindahan kay naa may warranty but until now wa pa gyud maayo, 2 months na kapin. Ang in-charge ra ba di makigsulti. Pasangil lang nag-field. Unsa man ang akong buhaton? Asa man ko mo-file og complaint?" -- January 22, 2007--11:03:31)

Kon covered pa sa warranty period ang panahon kanus-a naguba ang imong celfone ug gibalik mo kini sa tindahan sa wala pa mapupos ang tagal, angay ug matarong lamang nga atimanon kini sa tindahan nga imong gipalitan. Apan kon kini dili na covered sa warranty period, mahimong ila kining ayohon pero posibleng mangayo na usab sila og charge sa ilang pagserbisyo sa pag-ayo sa imong celfone.

Ang ako lang gikahibudngan mao kon nganong dili man makigsulti nimo ang in-charge sa tindahan. Unsa man ang iyang buhaton sa field? Morag dili ko kombinsido sa maong katarongan. Ang labing duol sa tinuod mao nga gusto ka niyang likayan. Ang akong ikasugyot mao nga i-refer kining maong problema ngadto sa DTI. Silay makasugyot nimo sa angay buhaton batok nianang tindahan nga imong gipalitan og celfone nga morag naglikay-likay na nimo ang in-charge.

* * *

Bahin gihapon sa celfone: "Maayong adlaw. Naa koy reklamo bahin nianang mamaligyaay og celfone dapit sa highway Bakilid nga ang ngalan nagsugod sa letrang W. Namaligya silag guba nga celfone. Nakapalit ko diha last December. Sige na lang kog pailis sa akong unit pero guba lang gihapon ang giilis. Unya papaaboton pa tag 3 to 5 days una makuha ang replacement. Pero guba lang gihapon. Kaduha na ko sige og pailis. Ayaw mo pamalit diha nga cellshop kay wa na silay ayo diha." -- 0920-7500424 (January 22, 2007 --11:01:22)

Posibleng kanang celfone nga ilang giilis inuli ra sab kana sa ubang nakapalit og celfone sa ilang tindahan nga naguba dayon. Mao nga bisan unsaon, guba gyud kay gubaon na mang daan. Nganong ibaligya pa man kanang mga gubaong cellphone? Makatagam baya kana sa mga kustomer.

(Sumbong ug reklamo? Text sa 0910-8105522)