EDITORYAL — 'Sakit' sa fratmen misugmat nasad

Misugmat nasad ang kabayolente sa pipila ka mga sakop sa fraternity dinhi sa Sugbo.

Duna nasay mga pagpamusil og mga sakop sa fraternity sa mga suspek nga sakop usab sa karibal nga frat.

Ang ubang biktima dili gani sakop og fraternity kundili gipareglahan lang.

Usa kini sa mga seryosong problema nga angay'ng i-address kun hatagan og pagtagad sa mga tinugyanan sa balaod.

Mora ra kini ka seryoso nga problema sa mga pagpanulis sa banko ug uban pang mga establisamento, diin mipakitag kabalaka ang kapolisan ug mga opisyal sa kagamhanan sa dakbayan sa Sugbu.

Kining mga kasamok nga gimugna sa mga fratman nganhi sa atong komunidad angayan gyud nga mapitol kay mihatag kinig mangil-ad nga imahe sa atong dakbayan nga atong gipasigarbo nga labing malinawon sa tibuok Kabisay-an.