Dili mosubay sa rota

Gikan sa cellpone number 0916-2725465: "Good day, Sir. Aduna unta koy ipamonitor. Bahin kini sa mga PUJ nga wala na mosubay sa rota sa wala pay alas 6 sa gabii ngadto sa alas 8. Anha na sila mosubay sa M.J. Cuenco lahos na padulong sa Mandaue. Kanang mga PUJ ug multicab nga 01K, 21B, 21D 24 (Consolacion), 25 (Liloan). Kusog ra ba mopadagan." -- (January 8, 2007--07:21:09)

* * *

Angay bitaw badlongon kining mga driver sa PUJ nga dili magtamod sa mga lagda sa ilang pagpamasahero. Kini gong mga public utility vehicles nga dili mosubay sa ilang rota usa sa makadugang sa kahuot sa trapiko sa dalan nga dili unta maoy angay nilang subayon. Maka-cause pa gayod kini og aksidente kay kusog kaayong mopadagan ang mga driver. Natural nga magpakusog gyod aron dili daling mamatikdan sa mga mananakop. Maayo tingali nga monitoron kini sa mga mananakop diha sa kadalanan aron mabadlong kining maong mga driver.

* * *

Sa laing bahin: "Good day. Naa unta koy ireklamo. Diri sa amo sa Humayhumay Road going to cemetery grabe na gyod ka lubaklubak ang karsada. Dugay na kaayo ni pero wa gyod magpakabana ang barangay opisyal. Mag-init ug mag-ulan walay hubas-hubas ang tubig sa karsada sa Humayhumay. Puwerte nang lawoma sa mga lubaklubak." -- 0920-2959751 (January 8, 2007--10:24:30)

* * *

Dili lang ko mokomentaryo bahin sa imong reklamo kay wala man koy personal knowledge mahitungod niining problemaha. Ato lang panghinaoton nga mahatagan nag pagtagad kanang giingon mong libaongong karsada sa Humayhumay. Basin diay kon magahinan gayod kinig pundo aron sa pag-ugmad sa maong karsada sa umaabot nga mga adlaw.

Kombinsido hinuon ko nga daghan pa gayod ang libaongong mga karsada karon. Dili kay sa Humayhumay Road ra segun sa gisumbong sa atong texter. Bisan sa dakbayan sa Sugbo daghan pang libaongong kadalanan. Angayan kining hatagan og pagtagad kay luoy intawon kaayo ang mga sakyanan nga moagi sa maong kadalanan nga mabuwasot ang mga ligid ngadto sa libaong.

* * *

(Sumbong ug reklamo? Text sa 0910-8105522)