Kon molansar si Pacquiao, nganong di man sad si Oracion?

Gihugon-hugon nga molansar si Pacquiao pagka-bise mayor sa dakbayan sa Manila gyud. Mikusog ang mga speculation sa iyang paglansar sa dihang mibalhin siya pagparehistro isip botante gikan sa General Santos sa Mindanao ngadto sa Manila.



Mahimo nga mo-deny siya, apan kining mga denial karong panahona, padugang lang sa pusta, ug sama sa usa ka tadhang politiko, sukwahi ang mahitabo.

Ug kon molansar gyud si Pacman(ug nganong di man sad?), 100 percent siyang mudaog. Ug lagmit mangampanya pa si Gloria aron seguro gyung mudaog!

Ug kon mao ni ang mahitabo, laing bayani nga gihisgutan ni Gloria sa iyang SONA, mao si Oracion. Kon molansar si Pacquiao, nganong di man sad nato palansahon si Oracion? Kon mo-qualify ang usa ka boksidor, nganong di man mo-qualify ang unang Pinoy nga nakasaka sa Mt. Everest?

Ug tungod kay mabuot ug intelligent voter man kitang mga Pinoy, bisag unsay daganan nila ni Pacquiao ug Oracion, seguro gyung mudaog, bisag ang ilang mga kaatbang mga abogado, mga CPA, mga engineer, mga doctor ug mga gradwado pa sa public administration.

Mabuhay ang Pinoy! Mabuhay Vice Mayor Pacquiao ug Governor Oracion!

Siyarog di mouminto ang atong nasud kon naa na si Pacquiao sa public service. Alang sa uban, napakyas ang mga abogado, ang mga engineer, ang mga public administration ug economic experts, ug napakyas sad ang mga artista ug mga media personalities, suwayan nato ang mga athletes, ang mga hip-hop dancers, mga beauty queens, tingalig naa nila ang paglaum sa atong nasud.

Unsay pangutana mo, Dro? Naunsa na ta? Komentaryo? Text 0916-6488650.