EDITORYAL — Nahagbong sa PFT hatagag tsansa

Sumala pa sa taho adunay 500 ka mga polis sa Central Visayas, diin nahisakop ang Sugbo, nga nahagbong sa Physical Fitness Test kun PFT.

Kini sila hatagag chance nga makapasar sa sunod nga PFT ug kun mahagbong lang gihapon sila kuyaw nga mahuman ang ilang career sa pagkapolis.

Ang physical fitness test naglangkob sa pagdeterminar sa panglawas sa polis ug sa katakos niini sa pagsilbe sa ilang komunidad.

Ang trabaho sa usa ka polis nagkinahanglan og maayong panglawas ug kalig-on niini sa pagsugakod sa mabug-at nga katungdanan o tulomanon sa mga tinugyanan sa balaod.

Kadtong dili gayud makapasar sa PFT bisan pa sa tsansa nga gihatag kanila, maayo na lang tingali nga pulihan kini og tawo nga adunay kwalipikasyon nga gikinahanglan sa maayong pagpamolis.