Pasaylo

Ginaingon nga si Heneral George Washington adunay higala nga Ministro. Ang maong ministro adunay higpit nga kaaway. Ang maong kaaway kanunay nga naglutos ug nagdaog-daog kaniya. Apan niabot ra gyud ang kinutoban sa kadautan sa nahisgutang tawo. Giaresto kini ug gisilotan sa kamatayon. Sa pagkadungog sa ministro niini, iyang gilatas ang balig 70 ka milya aron hangyoon lang si George Washington nga unta pasayloon na lang ang maong tawo. Apan si Washington kusganong mibalibad: "Dili ko makahatag sa imong hangyo alang sa imong higala!" Apan ang maong ministro mitubag: "Higala?! Dili ko siya higala kondili akong higpit nga kaaway!" Sa pagkadungog ni Washington niini ug sa nakitang sakripisyo nga gihimo sa maong ministro tungod ug alang sa iyang kaaway, dihadiha ang pasaylo gihatag ug giluwas sa silot sa kamatayon ang maong tawo.

Pamalandong

Tawhanon ang masayop ug maghambin og kasuko apan mas Diosnon ug Balaanon ang Mopasaylo.