EDITORYAL — Saludo mi sa mga beterano

Adlaw karon nga iselebrar ang kagawasan sa nasud. Ang ika 108 nga Independence Day, adlaw nga handumon sa Pilipinhon ang katam-is sa kagawasan.

Kini dihang nakab-ot sa Pilipinas ang kagawasan gikan sa pagpangulipon kanato sa mga Katsila niadtong 1898.

Apan ang mga buhi pang beteranong sundalo panahon sa Ikaduhang Gubat,bisan ulahi na kaayong nakigbisog kun itandi sa mga Katipunero dunay dakong tipik sa kasaysayan sanglit silay miatubang sa mga Hapon buot mosakop kanato.

Ang atong kagawasan karon di mahingpit kung wala pay mga sundalo nga miatubang sa mga Hapon ug miula sa ilang dugo ug kinabuhi.

Sa bag-ong henerasyon, duna pa bay nakahinumdom sa sakripisyong gihimo sa mga beterano? Bisan na gani sa ilang benepisyo, discounts ug labaw sa tanan mao ang respeto angayang ihatag kanila nakalimtan na sa kabataan.

Dinhi sa Banat News saludo kami sa tanang mga beterano buhi man o patay tungod kay kung di pa nila unsa kaha ta karon?