EDITORYAL – Problema niadto, mao gihapon ron

Balita sa usa ka pamantalaan kagahapon nagkanayon nga giasikaso na sa mga ahensiya sa gobyernong hingtungdan ang mga problema nga gipaabot motomaw karong adlawa sa pagbukas sa klase ug sa mga mosunod nga adlaw.

Giasikaso na ang problema? Karon pa?

Ang problema sa atong mga eskuwelahan matag abli sa klase mao ra gihapong mga problemaha nga giatubang ta sa miaging mga tuig.

"Dili na ba gyud kini masulbad problemaha?" nangutana ang usa ka inahan kang kansang panganay nga anak mosud na sa premir grado ning pag-abli sa klase.

Morag malisod sulbaron ang maong problema gawas kun hatagan og daku-dakong badget kun pundo sa gobiyerno ang edukasyon diin makadawat og dugang magtutudlo, dugang classrom, dugang mga bangko, ug uban pa.

Nagtuo ang mga kasaligang tigpaniid nga kuwang ra ang bahin sa edukasyon sa tinuig nga national budget nga ipasar sa Kongreso.