EDITORYAL – Lawak-patutyanan sa mall

Ang Department of Health miawhag ngadto sa mga tag-iyag shopping mall sa paggahin og lugar sa ilang establisamento alang sa mga inahan nga magpatotoy sa ilang mga bata.

Usa kini ka maayong ideya dili lang tungod kay ang pagpatotoy usa ka pribadong butang kundili usab nalambigit niini ang hygiene kun panghindik sa panglawas sa gagmay'ng mga bata.

Didto sa Japan, naay mga shopping places diin adunay mga lawak-patutyanan diin dunay privacy ang inahan ug luwas sa abog ug mikrobyo nga dala sa hangin ang mga gamay'ng bata.

Hinaut unta ang maong awhag sa atong departamento sa panglawas kahatagan og katumanan sa mga hingtungdang establisamento.