EDITORYAL – Hain na ang mga mastermind?

Ang kabesa kun headline sa usa ka mantalaan nagkanayon: "President Orders Policemen to Hunt Killers of journalists."

Komentaryo sa pipila ka magbabasa: "Kinahanglan pa bang orderan ang mga polis nga ila man nang trabaho?"

Kinahanglan. Bisan pa'g nanghambog si PNP Chief Director Gen. Arturo Lomibao nga 90 porsiyento sa mga kaso sa murder ug homicide diin nalambigit ang mga journalist nasulbad na kinahanglan gihapon ang order sa Presidente.

Kontento na man gud ang mga polis sa gisulti ni Lomibao nga 90 porsiyento sa mga kaso nasulbad na. So sitting pretty na sila.

Ang tinuod mao nga ang mga nasikop sa polis pulos ra mga suspek. Hain na man ang mga mastermind?