EDITORYAL - Pamolitika ba diay?

Dili gyud lagi mahimong di butangag bulok politikal ang kadaugan ni Manny Pacquiao ang atong bayani sa natad sa pamoksing.

Ang nasud nga Pilipinhon naglipay pa hangtud karon -- ang euphoria wala pa mitahaw-- apan naa nay mga pipila ka politiko nga nangita gyud og paagi nga mahimo nilang kabasihan ang kalampusan ni Manny sa pagsantako sa ilang kaatbang.

Ilang gisaway ang bana sa Presidente nga si Miguel Arroyo ug si Ilocos Sur Gov. Chavit Singson kay kuno namolitika kini dihang mikatkat sa ring human sa kadaugan ni Manny.

Lihok pamolitika ba diay kon maninguha ang usa ka tawo -- bisan politiko pa kini -- nga makalamano kang Manny human gayud sa kadaugan niini?