Sayon i-prove ang truth!

Usa ka chemist sa Queensland University sa Australia, mibubo' og mga chemicals o mga elements ug mga compounds sulod sa usa ka test tube sa iyang laboratoryo. Iya kining giinit ug nakita ang resulta. Iya dayong gi-note ang tanan niyang gihimo ug giunsa niya paghimo. Nagmalampuson siya sa iyang gihimo.

Ang iyang eksperimento, ang tanan niyang gisuwat bahin sa eksperimento na-published sa usa ka science journal sa London.

Milabay ang pila ka tuig, laing chemist sa Britanya, misuway paghimo sa eksperimento iyang gihimo exactly ang tanan nga gihimo sa Australian chemist, ug nakuha ang samang resulta. Sa ato pa, bisag kinsa, bisag asa, bisag pila na ka tuig ang molabay, di gyud mausab ang nahimo sa Australian chemist, basta subayon lang tanan niyang gibuhat.

Mao sad ni ang kamatuoran: Giingon dinhi: "Neither time now space have anything to do with the accuracy of a truth - if it is a truth."

Giingon sad dinhi nga "Truth exists; only falsehood has to be invented. The worst evils in the world today are not falsehoods, but endless repetition of half truths."

Mao na ni karon ang nahitabo sa atong nasud. Naglisud tag pangita sa kamatuoran tungod ang nangita, lagmit mao ra say nagtago niini. Gitapin-an pag-ayo ang kamatuoran ug falsehood ang gipatigbabaw.

Ug tungod kay di man gyud matuis ang kamatuoran, molutaw man gyud ni, maoy hinungdan nga bisag unsaog tapion, moabot ra ang panahon nga mogitib da kini.

Maghuwat lang ta sa tukmang panahon. Unsaon nga ang truth usahay magpa-thrilling-thrilling man pod. Manghinaut lang ta nga kon duna may nag-manipulate sa truth, kulitogon ra sila sa ilang konsiyensiya, ug ang mga falsehood nga ilang gipang-imbinto, mapusgay da, ma-dismantled. Sama sa laboratory test nga gihimo, mahimo sang i-test tube test nato ang kamatuoran. Di man tingali ni lisud, di ba, Dro?