Mga gasa sa Pasko

Arthur Tonne

Namakli sa usa ka katalog ang inahan og ang iyang batang anak babaye. Ilang gipanan-aw ang mga duwaan. Nakita sa bata ang usa ka dakong bisekleta og iyang giingnan ang iyang mama: "Palit ko ana." "Inig kadako na lang nimo" daling tubag sa inahan. Dayon gitudlo sa bata ang duwaang lutoanan ug uban pang mga duwaan. Apan ang inahan igo lang nga moingon: "Inig-kadako na lang nimo." Unya gitik-op na lang ang maong katalog og ang inahan nangutana sa iyang anak: "Day, nakahukom ka na ba kon unsay imong gusto ning paskoha?" Ang bata daling mitubag: O ma, ang akong gusto nga motubo na lang ta ko dayon."

Pamalandong

Kinaiya sa gasa nga ato gyud ning paabuton nga moabot tungod sa pagkamanggihatagon sa naghatag niini. Daghan kanato ang gigasahan na sa Dios apan wala kaayo makasinati og paghatag niini og bili. Kanunay kitang nagdali, kanunay kitang nag-apas. Gidapit kita maghinay-hinay aron ang gasa nato nga nadawat, ato gyung matagamtaman ingon nga mahinungdanong bahin sa atong kinabuhi. Kay ang gasa oras nga mahanaw, ang mahimo nato por lo menos mao naman lang ang paghandom.