EDITORYAL - Naka-pabor lang ta

Ang hulga ni Thai Prime Minister Thaksin Shinawatra nga ireklamo ang resulta sa 23rd Southeast Asian Games dinhi sa Pilipinas sa ASEAN summit sa Disyembre usa ka seryosong butang nga angayang tutokan sa nasud.

Pero bisan sa hulga ni Shinawatra ug mga pagsaway gikan sa ubang mga nasud nga miapil sa nagpadayong SEA Games, angayang magpadayon kita sa pagpupo og mga medalya ug iprobar ngadto kanila nga dili tinuod ang ilang mga pasangil nga adunay "fixing" sa resulta sa mga dula.

Kadtong mga nanaway nasayod nang daan ang ka-pabor sa "homecourt."

Homecourt nato ang Pilipinas, busa kita maoy naka-pabor.

Abibahan sa mga Pilipinong manan-aw sa mga duwa ang mga atletang Pilipino, samtang makadawat sa sipa kaayong "boo" ang mga atleta gikan sa nagkalainlaing nasud.

Ingon kita niana ka-pabor.