Kasuko

Tonne

Ginaingon nga sa dihang bata pa ang pilosopo nga si Socrates, iyang nasaksihan ang usa ka tawong nasuko tungod kay wala maabli ang pultahan. Gilamba sa maong tawo ang maong pultahan. Tungod sa maong panghitabo, si Socrates mihukom nga dili gyud siya magpadaog sa kasuko.

Nagmapuslanon ang maong panlantaw. Giaway siya sa iyang asawa nga si Xanthippe tungod lamang sa gamay'ng butang. Gibalikas siya niini. Ug sa dihang milakaw siya palayo gisabligan pa gyud siya og tubig. Ang maong pilosopo igo lang miingon: "Dili ba natural lamang nga human sa dalugdog, kita mahumod?"

Pamalandong

Ang usa ka kasuko dili angay'ng baslan og laing kasuko kay kini mosangpot unya og panaglalis nga mosangpot og pagdanaw sa dugo. Usisaha una kon angay ba gyung kasuk-an ang usa ka isyu o usa ka panghitabo. Kay basin baya og mahisama ka sa iro nga nagpaghot tungod sa anino sa bukog nga iyang gitangag!