Di na ko kagamit sa awto

Dako ang atong kalipay nga sa atong ka-pordoy, naka-awto ra gyud ta. Inutang man, apan, sige lang, basta kay nakahatag kini natog dakong convenience sa atong mobility dinhi ning kalibutan nga pirme lang nagdali. Labi na niadtong mga panahon nga diha pa ta nag-trabaho sa gobiyerno.

Apan, karon, unsa man? The worst nga nahitabo panahon ni Marcos mao nga pagnihit sa gasolina, nag-gas rationing ta. Gi-isyohan tag mga gas coupons. Kahinumdom ka ini, Dro? Apan, waa man to magdugay. Di ba?

Gamay na lay kuwang nga ang imong usa ka gatus ka pesos, bali na lag usa ka litro nga gasolina, unleaded. Sa ato pa, gikan sa amo, diri sa Guadalupe, segun kon asa ko paingon, maglisod na kog balik uli sa balay sa akong P100 nga tubil.

Maayo pag mag-PUJ o mag-taxi. Mao ni ang alternative nako karon. Sa ato pa, di na ko kagamit sa akong inutang nga awto.

Gawas niadtong daghan gyud kaayog kwarta, way epekto alang kanila ang pagsaka sa presyo sa gasolina. Labi na niadtong nag-charge sa ilang konsumo ngadto sa ilang kompaniya. Alang nila, maka-afford gihapon silag tingsi niining atong panahon karon. We congratulate them.

Apan, kita, Dro, hugot na man kaayo ning atong mga bakus, mag-unsa na man lang ta? Retired na ko, waa nay kaugalingong income, waa pay klaro pilay akong pension sa SSS.

Ping-ot na gyud kaayo. Bulahan kadtong uban nga naka-afflord pag suroy-suroy didto sa Amerika, dili ilang gasto, kay gidaa sila sa Presidente. To them, we also extend our heartfelt felicitation. May their tribe increase.

In the meantime, unsa man?