Pag-alis ng mga doctors at nurses patuloy

NAKABABAHALA ang pag-alis ng mga Pilipinong doctors at nurses patungong abroad. Ayon kay Dr. Ed Salud, hepe ng Quezon City General Hospital, talagang nakakaalarma ang mga paglisan ng mga doctors at nurses at nanganganib na mawalan na ng manggagamot sa mga ospital dito. Ayon kay Dr. Salud ang mga matagal nang nurses sa ospital ay umalis na at pawang mga baguhan ang nagseserbisyo ngayon.

Sinabi niya na may doktor na nag-shift sa pagna-nursing para madali silang makapagtrabaho sa mga ospital sa Amerika na malaki ang suweldo. Sabi pa ng doktor na mas gusto ng mga kano ang mga Pilipinong doctors at nurses na maasikaso, pasensyoso at karinyoso sa mga pasyente. Karamihan sa mga nurses sa Q.C. General Hospital ay nasa Ireland na malaki ang suweldo nila at maraming benefits. Bukod sa Ireland, in-demand din sila sa Canada at Middle East.

Mauubusan tayo ng mga doctors at nurses kapag hindi ito napagtuunan ng pansin ng gobyerno.