Sexy actress nagde-deliver ng panandaliang aliw

ALAM n’yo bang nagde-deliver na ngayon ng panandaliang aliw ang isang sexy actress?

Ayon sa aking bubuwit, happy birthday muna kay Maj. Gen. Cris Balaoing, Ret. Gen. Jimmy Barbers, Ms. Boots Anson Roa, Fae Marquez, Sis Grace Mariano at ang kambal na si Rogelio at Rolando Coloma ng Pinili, Ilocos Norte.

Congratulations naman sa mga bagong officers ng KBP-Metro Manila Chapter sina Rey Langit-Chairman; Boots Anson Roa-VP for Television; Deo Macalma-VP for Radio at ang mga Members of the Board ay sina Manny Luzon, Cynthia Ragasa, Art de Guzman, Butch Gonzales, Angelo Palmones at Engr. Ed Tan.

* * *

Alam n’yo bang dahil sa kahirapan ay nagbebenta na ng short time na aliw ang isang sexy actress?

Ayon sa aking bubuwit, tag-gutom na ngayon si Sexy actress sapagkat siya ay wala nang pelikula. Madalang na ngayon ang kanyang mga show at higit na nagpabigat sa sitwasyon ni Sexy actress, siya ay meron nang isang baby. Hindi siya binibigyan ng sustento ng naka-asembol sa kanya.

* * *

Ayon sa aking bubuwit, noong nakaraang buwan, araw ng Sabado night, dakong alas-9:30 p.m., si Actress ay nagtungo sa Asia Wealth Tower sa Leveriza St., Pasay City.

Kasama niya ang isang bading. Ito raw ang kanyang talent coordinator kuno, In short, bugaw. Magkano naman kaya ang talent fee ni Sexy actress?

Si Sexy actress ay medyo chubby dahil nanganak na pero maganda at sexy pa rin. Siya ay nakasuot ng maong jeans na hapit na hapit sa kanyang legs.

At nakasuot din siya ng sweater na kulay dirty white. Magkano ba ang talent fee mo ’Day?

* * *

Ayon sa aking bubuwit, ang actress ay iniwan ng bading sa lobby ng condominium. Si bading ay umakyat sa kanilang kliyente sa 29th floor at pagkatapos ng sampung minutos ay bumaba.

Nag-usap sila ni Sexy actress. Umakyat sa 29th floor ng condo si Sexy actress at umalis na ang bading.

Ayon sa aking bubuwit, bumaba ng pasado 3:00 a.m. si Sexy actress.

Ayon sa aking bubuwit, ang sexy actress na nagde-deliver na ngayon ng panandaliang aliw ay walang iba kundi si…

Morena ito pero makinis ang kanyang balat.

Siya ay walang iba kundi si Sexy actress… Miss V.V.