Congressman,pinagmumura ng mga parking attendant

ALAM n’yo bang nagalit ang mga parking attendant sa isang kongresista at ito ay pinagmumura noong Linggo?

Ayon sa aking bubuwit, 96 days na lang, Pasko na.

Happy birthday muna kay Bro. Bubot Burdeos ng T.M. Kalaw Lodge No. 136; Odie Magaynes, Aiza Cabute, Lolit Brunidor at Atty. Florentino Manalastas Jr. ng PMA.

* * *

Alam n’yo bang nagalit ang mga parking attendant sa isang kongresista dahil hindi tama kung pumarada ng sasakyan?

Ayon sa aking bubuwit, noong September 14, 2003, araw ng Linggo, dakong alas-dose ng tanghali ay namasyal si congressman sa isang mall sa Mandaluyong City.

Dala ang kanyang kotse, siya ay pumarada sa isang open parking space sa tabi ng Podium Commercial Center sa Mandaluyong City.

Ang ginawa ni Congressman, ipinarada ang kanyang kotse sa daanan mismo ng mga sasakyan patungo sa entrance at exit ng parking lot.

Dahil nakaharang ang kotse ni Congressman, hindi ngayon madaanan ang bahagi ng pinagparkingan niya.

Bunga nito ay naapektuhan ang daanan ng mga sasakyan.

Tatanga-tanga kaya si Congressman o yung driver niya?

Ayon sa aking bubuwit, dahil sa galit ng mga parking attendant pinagmumura si Congressman.

Pero hindi naman mura ng harap-harapan.

Minura ng mga parking attendant si Congressman pero hindi nila siyempre ipinarinig. Minura nang talikuran.

Ang takot lang nilang magmura sa congressman ano?

Ayon sa aking bubuwit, ang nasabi na lamang ng mga boy sa parking ay hindi raw marunong sumunod sa batas si Congressman. Lawmaker pero law breaker naman siya.

* * *

Ayon sa aking bubuwit, ang congressman na nagharang ng sasakyan sa daanan ng mga kotse sa isang parking lot ay si...

Hindi ka ba nahiya sa ginawa mo, Congressman?

Ayon sa aking bubuwit, ang kotse ni Congressman na inihambalang sa daanan ng mga kotse sa parking lot ng Podium ay...

Ito ay Mitsubishi Lancer na kulay dark gray. Ang plate No. sa likuran ay UHW-323.

Ang harapan naman nito ay may plakang No. 8 at meron pang nakalagay I-D of Bukidnon.

Sino siya?