Honeybee gamot sa arthritis

BUKOD sa nakalilibang ay malaki ring pagkakitaan ang apeculture o ang pag-aalaga ng pukyutan (honeybee). Pero alam n’yo ba na gamot ang honeybee sa mga may arthritis. Sinabing sa China ay maraming napagaling ng honeybee.

Maraming klase ng honeybee, may mga wild at domesticated. May mga pukyutan na kapag nangangagat ay matindi ang pangingitim.Ang mga pukyutang malaking-malaki na ang tawag ay lulumbo ay kadalasan na nasa puno ng mangga. Sinasabing ang pinakamahusay na alagaang honeybee ay ang laywan. Napag-alaman din na ang mga bansa sa Africa lamang merong killer bees.

Ang apeculture ay isang proyektong pampamilya. Sa barangay Malabanan sa malapit sa Lipa City, Batangas, ay may mga pamilya na nag-aalaga ng mga pukyutan sa kanilang mga bakuran. Ayon sa mga nag-aalaga ng honeybee, natututo ang mga ito na magmahal sa tao at kapag inaalagaan ay hindi tulad ng ahas na kahit pakanin ay nangangagat. Matamis silang magmahal kaya nga di ba kasabihan na ang mga bagong kasal ay nagha-honeymoon. Ang mga honeybee ay importante sa pollenation kung saan ang nektar ay sinisipsip ng mga bees at ito’y nagpaparami ng mga bulaklak at bunga. Ideal location sa pag-aalaga ng pukyutan ay ang mga lugar na mabilis ang vegetation at malalago ang mga halaman at maraming magagandang bulaklak. Sa Don Mariano Marcos Memorial State University sa Bacnotan, La Union, isang kurso ang pag-aalaga ng honeybee.

Maikli lang ang buhay ng pukyutan na may sariling way of multiplication. Ang productive period ay mula anim na buwan hanggang isang taon.