Ang Pasko sa bata
December 9, 2001 | 12:00am
Noong kami’y bata ang Pasko’y masaya
Sama-sama kaming magkababata;
Sa mga lansangan kami’y makikita
Grupo-grupo kami na nagsisikanta.
Inaawit nami’y awiting Pamasko
Pagkat mga musmos ay wala sa tono;
Lata ng sardinas aming pinapalo
Si Ate ang dala ay munting kaldero.
Mga kapitbahay ang tinatapatan
Sa mga bintana’y masayang durungaw;
Nag-aabot sila ng pera’t kalamay
Kaya tuwa nami’y hindi magkamayaw.
Pagod na katawa‘y ipinapahinga
Kapagka napansing tumatanghali na;
Subalit sa gabi ay balik-kalsada
At muling aawit na barka-barkada.
At hindi lamang kami ang nagsisiawit,
Ang lahat ng bata sa buong daigdig
Ay kasama namin at aming ka-tinig
Sindami ng stars na nasa sa langit.
Kaya nga ang Pasko at ang mga bata,
Tunay na masaya kung Paskong dakila;
Ang gulo sa mundo ay di alintana
Walang Abu’t Laden na mapaminsala.
Masaya ang Christmas kapag namamasko
Ang maraming bata sa lahat ng dako;
Sa Ninong at Ninang kapag nagmamano
Ay taos sa puso ang damdamin nito.
Sama-sama kaming magkababata;
Sa mga lansangan kami’y makikita
Grupo-grupo kami na nagsisikanta.
Inaawit nami’y awiting Pamasko
Pagkat mga musmos ay wala sa tono;
Lata ng sardinas aming pinapalo
Si Ate ang dala ay munting kaldero.
Mga kapitbahay ang tinatapatan
Sa mga bintana’y masayang durungaw;
Nag-aabot sila ng pera’t kalamay
Kaya tuwa nami’y hindi magkamayaw.
Pagod na katawa‘y ipinapahinga
Kapagka napansing tumatanghali na;
Subalit sa gabi ay balik-kalsada
At muling aawit na barka-barkada.
At hindi lamang kami ang nagsisiawit,
Ang lahat ng bata sa buong daigdig
Ay kasama namin at aming ka-tinig
Sindami ng stars na nasa sa langit.
Kaya nga ang Pasko at ang mga bata,
Tunay na masaya kung Paskong dakila;
Ang gulo sa mundo ay di alintana
Walang Abu’t Laden na mapaminsala.
Masaya ang Christmas kapag namamasko
Ang maraming bata sa lahat ng dako;
Sa Ninong at Ninang kapag nagmamano
Ay taos sa puso ang damdamin nito.
BrandSpace Articles
<
>
- Latest
- Trending
Trending
Latest
Trending
Latest
By Dr. Willie T. Ong | 5 hours ago
By Ramon M. Bernardo | 5 hours ago
1 day ago
By AL G. Pederoche | 1 day ago
Recommended