Magtiayong Gullas top notcher sa serbisyo

CEBU, Philippines — Nahimong top notcher ang magtiayong Gullas sa unang distrito sa Probinsiya sa Sugbo sa paghatag og serbisyo ngadto sa ilang mga konstituwente.

Kini base sa resulta sa survey nga gihimo RP-Mission and Development Foundation Inc. sa unang quarter niining tuiga.

Si Talisay City Mayor Gerald Anthony “Samsam” Gullas, Jr. nabutang nga top 1 nga mayor sa Probinsiya sa Sugbo nga nakakuha og 90.3 porsyento nga rating.

Matud ni Gullas nga dako nga tabang kaniya ang mga sakop sa lokal nga kagamhanan kinsa aktibo nga nihatag og suporta sa iyang administrasyon.

Samtang ang iyang kapikas nga si Kongresista Rhea Gullas sa unang distrito nahimong top 5 sa mga kongresista sa Central Visayas.

Ang kongresista nakakuha kini og 89.8 porsyento nga rating pinaagi sa “Boses ng Bayan”.

Ang magtiayon nitataw nga padayon sila sa paghatag og kaayohan sa ilang lugar nga gialagaran. — BDB BANAT NEWS