Pride March sa LGBTQIA + Community mabulokon
CEBU, Philippines — Nahimong mabulokon ang kadalanan sa siyudad sa Mandaue sa gipahigayon nga Pride March nga gipasiugdahan sa LGBTQIA + Community niadtong Sabado.
Kusganon nga gipadayag sa misalmot sa kalihukan ang ilang kaisog sa pagpakita sa katilingban sa tinud-anay nga kolor sa ilang pagkatawo.
Ang Pride March 2024 adunay tema nga “Together let us inspire, empower, and move as one Community towards a more Embracing and Inclusive Cebu.”
Gisuportahan sa Kaabag LGBTQIA+ Federation ang Mandaue Pride March 2024 ingon man suportado usab kini sa mga pribadong sektor nga adunay pagpakabana sa patas nga pagtagad sa mga LGBTQIA+.
Si Mandaue City mayor Jonas Cortes nagpadayag sa iyang respeto sa LGBTQIA+ ug gisuportahan ang mga kalihokan niini tungod kay ang LGBTQIA+ gikonsiderar nga kabahin ug nakatampo sa kalambuan sa Mandaue City.
Sa pagpahigayon sa Pride March 2024 mitambong usab ang mga sakop sa konseho nga naglakip nila ni Konsehal Maline Cortes-Zafra, Jen Del Mar, ug Oscar Del Castillo, ingon man si Board Member Glenn Soco.
- Latest
