Garcia dunay mensahe sa pagsaulog sa Eid`l Adha karong adlawa

CEBU, Philippines — Gipadayag ni acting Cebu City Mayor Raymond Alvin Garcia nga ang Eid'l Adha dili lang alang sa mga Muslims, kundili usa ka kahigayonan sa matag usa nga hinuklogan ang gipaambit nga mga values uban kanila.

Kini ang pamayag sa acting mayor nonot sa pagsaulog sa Muslim community sa feast of sacrifice karong adlawa Hunyo 17.

Ang Proclamation no.579 gikan sa Malacanan naghatag og importansya sa pagsaulog sa Eid`l Adha karong adlawa nga gideklarar nga regular holiday sa tibuok nasud.

Ang maong okasyon maoy usa sa duha ka “greatest feasts of Islam”.

Si Garcia mipadangat sa iyang greetings ngadto sa Muslim community sa pagsaulog sa feast of sacrifice nga mao ang panahon sa reflection, devotion ug unity”.

“We remember Prophet Ibrahim and his willingness as an act of obedience to God to make the ultimate sacrifice. His, is a profound story of faith that resonate. With us deeply as one community of faith, it also shows us the importance of compassion, charity and community,” suma pa ni Garcia pinaagi sa video message.

Gihimug-atan usab ni Garcia nga ang Eid’l Adha “dili lang panahon sa mga Muslims nga magkatapok apan nakahatag usab kini og higayon sa tanang katawhan sa paghinumdum sa mga importante nga values sama sa empathy, generosity ug mutual respect diha sa panagtapok sa pamilya ug mga higala ingon man diha sa pag-ampo. — Gikan sa The Freeman/MEL