Garcia nitudlo og laing budget officer

CEBU, Philippines — Si Cebu City Acting Mayor Raymond Alvin Garcia nitudlo kang Roseny Reyes isip budget officer sa siyudad human sa rejection sa re-application ni Atty. Jerone Castillo.

Si Garcia nibutyag kagahapon sa nga tigbalita nga aduna siya’y gi-designate nga bag-ong budget officer ug nagpahigayon na kini sa iyang trabaho.

Nasayran nga si Garcia nakadawat kini og suwat gikan sa Human Resource and Development Office nga nagpahibawo nga ang application ni Castillo alang sa regularization niini ang gibasura sa konseho sa siyudad.

Gipahibawo usab sa HRDO nga si Castillo dili na makapahigayon sa iyang trabaho isip budget officer human gibasura sa konseho ang iyang application.

Si Garcia nimando ngadto sa HRDO nga mangayo og opinision sa Civil Service Commission kalabot sa maong isyu tungod kay ang maong ahensiya ang adunay kahibawo sa benepisyoa sa mga empleyado ug sa ilang mga status.

Magpaabot una si Garcia sa opinion sa CSC apan sa pagkakaron kasamtangan una nga moserbisyo isip budget officer si Reyes. (BANAT NEWS)