Mga ekipo sa mga kontraktor kinahanglang hipuson

CEBU, Philippines — Mihangyo karon ang Cebu City Council sa Department of Public Works and Highways Cebu City District Engineering Office (DPWH-CCDEO) nga susihon ang tanang nagpadayon o nahunong nga civil works sa palibot sa siyudad aron masiguro ang kaluwasan sa publiko.

Giaprobahan kini subay sa resolusyon ni Konsehal Mary Ann de Los Santos atol sa regular session niadtong Miyerkules, Hunyo 26, 2024.

Ang maong resolusyon nag-ingon nga makita sa pipila ka mga bahin sa dakbayan nga adunay nagpadayon nga mga proyekto sa gobyerno, gikontrata sama sa mga dalan, ug drainage ug uban pa ang nagpadayon o wala mahuman ug pending.

Siya midugang nga kini nga mga proyekto adunay "kumon apan dili maayo nga practice" sa pagbilin sa mga ekipo ug mga materyales nga wala’y makita mga early warning signs.

“Some of this equipment and materials left on-site vary from steel or wooden forms, pavers, portable mixers, to sand, gravel, culvert, and debris which are left without the benefit of clear and visible early warning signs,” matud ni de los Santos.

Matud niya, kining mga ekipo nga gipasagdan lang sa mga kontraktor peligro kaayo sa mga tawo ug sa mga residente ug motorista.

Partikular nga niingon si De los Santos nga sa bag-o lang niyang pagbisita sa Sityo Sun-oc, Barangay Lahug aron pagtambong sa haya sa usa ka residente nga si anhing Agripino Consular.

Matud niya, ang kamatayon maong residente ang usa lang sa pipila ka mga indirect nga resulta sa giingon nga “unsound practice” sa pagbilin sa materyales sa lugar.

“According to the family of the deceased, the latter was passing by a round concrete culvert left at the roadside for an ongoing project of the DPWH contracted under SB & T Construction when he was hit by a bicycle driven by a minor causing the former to fall and his head hit the round concrete culvert causing severe injury that led to Agripino's death,” matud pa ni De Los Santos.

Sa samang resolusyon, gikondena ni De Los Santos ang dayag kaayong pagpasagad sa mga kontraktor .

Subay niini, gipasaka ni De Los Santos ang mosyon nga hangyoon ang DPWH-CCDEO. ug ang Department of Engineering and Public Works (DEPW) sa pagpahigayon og ocular inspection sa ilang mga proyekto, nagpadayon man o gi-terminate.

Gihangyo usab niya sila nga maghimo ug saktong aksyon aron masiguro ang kaluwasan sa mga pedestrian, motorista, ug mga residente sa palibot sa proyekto.

Ang maong mga mosyon giaprobahan sa mayoriya sa konseho sa dakbayan. – IBM BANAT NEWS