Dakbayan sa Talisay bukas alang sa mga sakop sa LGBTQ+

CEBU, Philippines — Bukas ang Dakbayan sa Talisay ngadto sa mga sakop sa LGBTQ+ subay sa pagsaulog sa Pride Month.

Si Talisay City mayor Gerald Anthony “Samsam” Gullas nipadayag nga gipaningkamotan sa Aksyon Agad Administration ang paghimo og komunidad diin ang matag indibidwal makasinati og respeto ug giila sila kung unsa man sila.

Matud pa ni Gullas nga ang ilang pasalig sa pagsuporta sa LGBTQ+ dili lang kutob sa usa ka buwan kundi matag adlaw aron sila dili magpanagana sa pagpagawas sa ilang tinuod nga pagka tawo ug makit-an nila ang tinuod nga kalipay. Sigon pa sa mayor nga ang pamilyang LGBTQ+ angay lang tagaan og higayon nga sila mopalambo sa ilang komunidad nga adunay gugma ug ang pagdawat kanila.

Si Gullas miila nga sila dunay kontribusyon alang sa paglambo sa siyudad.

Si Gullas uban ang iyang konseho nipadayag sa ilang suporta ngadto sa LGBTQ+ ug nipasalig nga kini magpadayon. (BANAT NEWS)