Rama welcome gihapon sa Palaro-acting mayor Garcia

CEBU, Philippines — Bisan og preventively suspended, welcome gihapon si Cebu City Mayor Michael Rama sa pag-abli sa Palarong Pambansa 2024 matud pa ni Cebu City Acting Mayor Raymond Alvin Garcia.

Samtang nagkaduol ang pag-host sa Palarong Pambansa 2024, kagahapon (Biyernes), Hunyo 28, 2024, si Garcia nanguna sa usa ka press conference aron ipahibalo ang mga updates sa mga pagpangandam niini.

Sa samang press conference, gipasalig ni Garcia nga bisan og wala pay kompirmasyon, andam ang siyudad sa pag-abag sa pag-abot, sa pipila ka mga national personalities, ilabi na sa mga senador. “Of course, we are also expecting Cabinet secretaries, as well as undersecretaries, as well as assistant secretaries,” matud ni Garcia.

Gawas niini, si Garcia niingon usab nga ang kagamhanan sa dakbayan mag-imbitar og mga mayor gawas sa mga silingang siyudad- Mandaue ug Lapu-Lapu. Dihang gipangutana kon welcome ba si Rama sa opening, si Garcia niingon: “He said in a statement that he will be coming over for the opening, and of course he is more than welcome, this is a public event,” matud ni Garcia.

Dili palang dugay giangkon ni Rama nga wala siya makadawat og imbitasyon alang sa pag-abli sa Palarong Pambansa 2024 apan nidugang nga siya "involved and be around."

Apan, dihang gipangutana kun nakadawat ba siya og pormal nga imbitasyon sa pagtambong sa maong kalihukan, si Rama niingon: “I have not received any invitation.”

“But I’ll be excited. Did you know it’s not the role that I will be performing. Mind you, it’s not the role. It is the fruit of our labor. The fruit of what we have agreed, imagining what ought to be may not be a part taken or what. But the moment of truth and that is the opening,” dugang niya.

Sa laing bahin, si Garcia niingon nga wa na maapil si Rama sa maong programa. Siya nidugang, nga ang responsibilidad sa una anaa kang Rama; apan tungod, sa iyang “forced leave” dili na kini mahimo ni Rama.

Dugang pa, sa iyang pangbukas nga pakigpulong, si Garcia nagpasalamat kang Rama, acting Bise Mayor Donaldo Hontiveros, ug Department of Education Regional Director Salustiano Jimenez sa pagdala sa Palarong Pambansa sa Sugbo pinaagi sa pagdaog sa bid.  IBM BANAT NEWS