Gov. Garcia: Sugbo magpabiling nagkahiusa pagsuporta ni Marcos
CEBU, Philippines — Gisaad ni Gobernador Gwendolyn Garcia ngadto kang Presidente Ferdinand Marcos Jr nga nagpadayon ang "unity" o panaghiusa sa Sugbo nga nisuporta sa presidente.
“The unity that we proved in that historic election of 2022 is now stronger than ever right here in this Island of Cebu. And as we did in 2022, Mr. President, we stand firmly behind you in full support for the man who called for unity,” matud ni Garcia atol sa iyang mensahe sa pagbukas sa ika-36 nga
Joint Meeting sa United Nations Tourism Commission for East Asia and the Pacific ug sa UN Tourism Commission for South Asia kagahapong adlawa Hunyo 28.
Si Garcia mihimo sa maong pamahayag taliwala sa nahitabo sa national level nga giingong nagkabuakbuak na ang UniTeam tali sa mga Marcos ug kampo ni Bise Presidente Sara Duterte-Carpio.
“There’s an extraordinary unity that has been the impetus for this Island Province to soar to great heights of progress and development,” dugang sa gobernador.
Si Marcos maoy guest of honor sa maong kalihokan nga gipahigayon sa Sugbo pinaagi sa Department of Tourism ug sa Probinisiya sa Sugbo nga
gipahigayon sa usa sa dakong resort sa Lapu-Lapu.
Gibida ni Garcia ang panaghiusa sa mga lokal nga kagamhanan sa Probinsiya. Iya pud gidumdom ang nahitabo nga eleksyon niadtong 2022 kon diin ang iyang partido nga One Cebu midominar sa maong piniliay ug mihatag og tibook nga suporta ngadto kang Marcos nga midagan pagka Presidente ug kang bise Presidente Sara Duterte-Carpio. BANAT NEWS
- Latest
