Misis na wanted sa 159 counts ng pandedekwat, tiklo

MANILA, Philippines — Tiklo ang isang 39-anyos na misis na  10 most wanted dahil sa  mahigit 100 bilang ng kasong pagnanakaw, sa isinagawang operasyon ng Warrant and Subpoena Unit ng  Makati City Police Station,  sa nasabing lungsod, nitong Sabado.

Kinilala ni Makati CPS chief, PCol. Jean Dela Torre ang akusadong si alyas “Daisy Grande,” na pinaghahanap dahil sa 159 counts ng Qualified Theft through Falsification of Commercial Documents ay nadakip alas-10:30 ng umaga ng Marso 1, 2025, sa  Brgy. Sta. Cruz, Makati City.

Nabatid sa warrants of arrest na inisyu ni Hon. Jonathan Honorato D. Lock, Pairing Judge ng Regional Trial Court, Branch 60, Makati City, na maaring palayain pansamanta si Daisy Grande kung maglalagak ng inirekomendang piyansa na P5,174,000.00.

Ang operasyong ito ay bahagi ng pagsisikap ng pulisya na palakasin ang pagpapatupad ng batas laban sa financial crimes.